Gopinam Kuca Kunkumena Nicitam

(1) gopīnāḿ kuca-kuńkumena nicitaḿ vāsaḥ kim asyāruṇaḿ nindat-kāñcana-kānti-rāsa-rasikāśleṣeṇa gauraḿ vapuḥ tāsāḿ gāḍha-karābhibandhana-vaśāl lomodgamo dṛśyate āścaryaḿ sakhi paśya lampaṭa-guroḥ sannyāsa-veṣaḿ kṣitau (2) yaḥ pūrvaḿ vraja-sundarī-rati-rasair utthāpitaḥ pratyahaḿ kālindī-puline nanarta rabhasāt śrī-rāsa-goṣṭhyāḿ vibhuḥ so'yaḿ samprati sarva-loka-nihita-premānurāgaḥ kalau premṇā nṛtyati nartayaty api jagad-bhūdeva-cūḍāmaṇiḥ (3) vedāntāgama-veda-śāstra-paṭalī-durgamya-pādāmbujaḥ śrī-śrī-nanda-kiśora-lāsya-laharī-vidyotakānugrahaḥ tat-kāla-smṛti-mātra-tat-kṣaṇa-valat-prema-pravāhāmbudhir bhūdevāńgaṇā-mańgalo vijayate śrī-śrī-śacīnandanaḥ (4) mohonmāda-rasena gopa-vanitā-siktena vṛndāvanaḿ yaḥ pūrvaḿ jagad-eka-mańgalam alaḿ cakre ghana-śyāmalaḥ so'yaḿ gaura-hariḥ samasta-jagatīḿ premṇā samullāsayan kāruṇyaika-niketanaḿ vijayate gauḍāvanī-maṇḍale (5) nṛtyāveśa-mahollasat-sumadhura-pratyańga-veśojjvalaḿ śrīkhaṇḍāguru-kuńkumādi-sahitaḿ śrīmad-bṛhad-vakṣasā karpūrodbhaṭa-pūga-puñja-vilasat-prārakta-bimbādharaḿ śrī-caitanya-mahāprabhor vijayate lāvaṇya-sāraḿ vapuḥ (6) pratapta-kanaka-prabhaḿ vimala-pūrṇa-candrānanaḿ galan-nayana-vāribhiḥ sapadi sikta-bhūmī-talam sa-gadgada-giraḿ mudā sakala-deva-cūḍāmaṇiḿ śacī-sutam ahaḿ bhaje karuṇa-sāgaram īśvaram (7) kadamba-kusumollasat-pulaka-puñja-puñjojjvalaḿ jhalat-jhalad iti skhalan-nayana-vāribhir nirjharam vayaḿ dama-damāyite hṛdi dara-sphuran-mādhurī madhūnmada-mahā-naṭaḿ kim api dhāma vandāmahe (8) uccair lola-bhuja-dvayena paritaḥ svar-lokam āhlādayan premṇā pūrita-kaṇṭha-gadgada-hari-dhvānair bhuvaḿ mohayan cañcat-pāda-vihāri-nūpura-ravair nāgān mudā mīlayan nityānanda-mahāprabhur vijayate śrī-malla-veśojjvalaḥ (9) kṛṣṇo devaḥ kali-yuga-bhavaḿ lokam ālokya sarvaḿ pāpāsaktaḿ samajani kṛpā-sindhu-caitanya-mūrtiḥ tasmin yeṣāḿ na bhavati sadā kṛṣṇa-buddhir narāṇāḿ dhik tān dhik tān dhig iti dhig iti vyāharet kiḿ mṛdańgaḥ